.jpg)
हिरो इन्डियन वुमन्स लिगमा गोकुलम केरलाले लगातार दोस्रो जित हात पारेको छ ।
बैंगलोर पुटबल स्टेडियममा मंगलवार भएको खेलमा गोकुलमलले केन्क्रे एफसीलाई १०–१ ले पराजित गरेको हो । गोकुलमलको जितमा नेपाली राष्ट्रिय टिमकी फरवार्ड सावित्रा भण्डारीले एक्लैले ह्याट्रिकसहित पाँच गोल गरिन्। करिस्मा शिर्भोइकरले ह्याट्रिक गरिन् भने मनिसाले दुई गोल गरिन्।
सावित्राले खेलको सातै मिनेटमै पहिलो गोल गरेकी थिइन् ।
यस्तै १९औं मिनेटमा दोस्रो गोल गरेकी सावित्राले पहिलो हाफको इन्जुरी टाइममा ह्याट्रिक पूरा गरिन् ।
यस्तै ४८औं र ६१औं मिनेटमा गोल गरिन् ।
गोकुलमका लागि करिस्माले पनि ह्याट्रिक गरिन् । उनले खेलको तेस्रो मिनेट १७औं र ५१औं मिनेटमा गोल गरिन् । यस्तै मनिसाले २०औं र ३०औं मिनेटमा गोल गरिन् ।
लगातार दोस्रो जितपछि गोकुलम समूह बी मा ६ अंकसहित शीर्ष स्थानमा उक्लेको छ ।
