वागमती प्रदेशका मुख्यमन्त्री डोरमणि पौडेलले सामुदायिक विद्यालयको शैक्षिकस्तर सुधार गर्नुपर्ने बताएका छन्।
आइतवार डिल्लीबजारस्थित विजय स्मारक माबिको ६४ औं वार्षिक उत्सव कार्यक्रममा बोल्दै मुख्यमन्त्री पौडेलले सामुदायिक विद्यालयको शैक्षिक गुणस्तर कमजोर भएकाले सुधार गर्नुपर्ने बताएका हुन्।
मुख्यमन्त्री पौडेलले भने, ‘सामुदायिक विद्यालयको गुणस्तर खस्किएको छ। देशको समृद्धिको आधार शिक्षा नै हो। त्यसैले शिक्षाको गुणस्तर सुधार गरौं।’
मुख्यमन्त्री पौडेलले विद्याल भित्र बनेको दुई तल्ले भवन र विजय बाटीकाको समउद्घाटन समेत गरेका थिए।
कार्यक्रममा विद्यालयका प्रधानध्यापक डिल्लीप्रसाद ढकालले विद्यालयको अवस्थाको बारेमा जानकारी दिदै विद्यालयको शैक्षिकस्तरमा समेत बढोत्तरी गर्दै लैजाने प्रतिबद्धता जानाएका थिए।
बिहानी तथा दिवा सेवामा पढनपाठन गर्दै आएको विजय स्मारक माविमा हाल ७ सय २४ जनाभन्दाबढी विद्यार्थी अध्यानरत छन्।
