सागर बुढाथोकी/चन्द्रबहादुर आले

घटना १ : चैत १२ गते बिहान १० बजेतिर एकजना बिरामी टेकु अस्पतालको प्राङ्गणमा पुगे । उनलाई सामान्य रुघा लागेको थियो, ज्वरो थिएन । निरन्तर खोकिरहेका उनको नियमित डायलासिस गर्ने पालो त्यसै दिन थियो । तर, डायलासिस गराइरहेको अस्पतालले भन्यो, ‘टेकु अस्पताल गएर कोरोना संक्रमण नभएको रिपोर्ट लिएर आउनू ।’

त्यसैले उनी टेकु अस्पताल पुगेका थिए । जब कि कोभिड-१९ को संक्रमण फैलिएको देशबाट आएकाहरूसँग उनको प्रत्यक्ष सम्पर्क थिएन । कोरोना भाइरसको लक्षण पनि थिएन ।