रवीन्द्र घिमिरे
कोरोनाको प्रकोप फैलिन नदिन सरकारले देशव्यापी लकडाउन गरेसँगै विद्युत खपतमा उच्च दरले गिरावट आइरहेको छ। यो गिरावटले नेपाल विद्युत प्राधिकरणको मासिक आम्दानी पनि घटाउने निश्चित भएको छ ।
प्राधिकरणले सामान्य अवस्थामा दैनिक औसत २० हजार मेगावाटआवर विजुली वितरण गर्छ । तर, लकडाउनपछि विजुलीको खपत १४सय मेगावाट आवरमा झरेको प्राधिकरणका प्रवक्ता प्रवल अधिकारीले बताए । यसअनुसार प्राधिकरणले एक महिनामै करिब दुई अर्ब रुपैयाँ आम्दानी गुमाउने छ ।
