नेपाली पात्रो अनुसार नयाँ बर्ष सुरु हुँदैछ । नयाँ बर्षमा के गर्ने ? संभवत यो प्रश्नको जवाफ एउटै हुनेछ, परिवारसँग बसेर रमाइलो गर्ने ।
यतिबेला सबैजना आ–आफ्नै परिवारसँग छन् । राम्रो त के भएको छ भने, यसपाली बालबच्चाले पनि आफ्ना आमाबुवासँग रमाइलो गर्न पाउनेछन् । विगतमा जस्तो बुवा आफ्नै दौतरीसँग, आमा आफ्नै संगीसँग भुलिने छैनन् । हजुरआमा–हजुरबा पनि खुसी हुनेछन् ।
नयाँ बर्ष एक बाहाना पनि हो, केही प्रण गर्ने । केही लक्ष्य तय गर्ने । केही त्याग्ने ।
जस्तो कि कसैले भन्न सक्छन्, ‘यो बर्ष म कुनै एक कल्याणकारी काम गर्नेछु ।’
कसैले भन्नेछन्, ‘यसपाली म आफ्नो व्यवसायलाई यो तहसम्म पु¥याउनेछु ।’
कसैले भन्नेछन्, ‘म यसपालीदेखि मदिरा त्याग्नेछु ।’
