काठमाडौं किङ्स-११ ले चौंथो संस्करणको एभरेष्ट प्रिमियर लिग (ईपीएल) टी-२० क्रिकेटमा विजयी सुरुवात गरेको छ।

किर्तिपुरस्थित टियु क्रिकेट मैदानमा शनिबार भएको पहिलाे खेलमा साविक विजेता ललितपुर प्याट्रीयट्सलाई ७ विकेटले पराजित गर्दै काठमाडौंले सुखद सुरुवात गरेको हो।

ललितपुरले दिएको १ सय ५८ रनको लक्ष्य काठमाडौंले १४ ओभर २ बलमा ३ विकेट गुमाएर पूरा गर्यो।

काठमाडाैँमकाे जितमा रायन ब्रुल र रहमानउल्लाह गुर्बाजले अर्धशतकीय इनिङ्स खेले। रायनले अविजित रहदै ७३ रन जोडे। गुर्बाजले ५९ रन बनाए। त्यस्तै,राजु रिजाल अविजित १९ रनकाे याेग्दान गरे।

यसअघि पहिले ब्याटिङ गरेको ललितपुरले निर्धारित २० ओभरमा ८ विकेट गुमाएर १ सय ५७ रन बनाएको थियाे। उसका लागि पवन सर्राफले अर्धशतकीय इनिङ्स खेल्दै ६१ रन बनाए। उनले ४४ बलमा ५ चौका र ४ छक्का प्रहार गरे। योगेन्द्रसिंह कार्कीले ३३, शंकर रानाले १४ रन र भुटानी खेलाडी रनजुङ मिक्यो दोर्जीले अविजित १७ रनको योगदान गरे।

यस जितसँगै काठमाडौंले पहिलो खेलमा २ अंक जोडेको छ।