हप्तौं भयो घरभित्र बस्नुपरेको । घरभित्र के गर्दै बस्ने ? कसरी दिन कटाउने ? मोबाइल कति चलाउने ? टिभी कतिबेर हेर्ने ? कहिलेसम्म सुत्ने ? के गफ गर्ने ? धेरैलाई छटपटी भएको हुँदो हो । यही छटपटीले होला कोही भान्सामा पसेर थरीथरी परिकार बनाउन थालेका छन्।
कोही गमलामा फूल र सागसब्जी रोप्न थालेका छन् । कोही नयाँ-नयाँ हस्तकला बनाउन थालेका छन् । कहिलेकाहीँ असहज परिस्थितिले पनि सही काम गर्न उत्प्रेरित गर्छ । सम्भवत: अधिकांशको दैनिकी यस्तै सकारात्मक काममा मोडिएको छ ।
