काठमाडौं। नेपालमा १२० दिन लकडाउन भयो। गत चैत ११ गतेदेखि लागू भएको लकडाउन साउन ६ गते रातिबाट अन्त्य भयो। अहिले पनि ४८ जिल्लामा निषेधाज्ञा छ। विभिन्न क्षेत्र शिल भइरहेका छन्।
अहिलेसम्म नेपालमा कोरोना संक्रमितको संख्या ४६ हजार २५७ पुगेको छ भने २८९ जनाको मृत्यु भएको छ।
कोरोना संक्रमितको दर दिनप्रतिदिन बढिरहेको छ। जबकी कोरोनाको उत्पत्ति भएको क्षेत्र चीनको वुहानमा पहिलो चरणमा ७६ दिन लकडाउन गरिएको थियो। त्यो अवधीमा कोरोना संक्रमित पूर्ण रूपमा निको भएका थिए भने नयाँ संक्रमित देखिएका थिएनन्।
चीनको वुहान शहरमा साढे दुई महिनाको अवधीमा संक्रमण नियन्त्रणमा लिएको थियो। तर, नेपालमा १२० दिने लकडाउन, अझै पनि विभिन्न जिल्लामा निषेधाज्ञाले गर्दा पनि नियन्त्रण हुनुको साटो झन् बढिरहेको छ।
लकडाउन, निषेधाज्ञा लम्बिदैं जाँदा आम जनमानसको मुखबाट उठ्ने विभिन्न प्रश्नहरू छन्:
यो महामारी कहिले अन्त्य हुने हो?
घरमा बस्दा बस्दैं दिक्क लागिसक्यो, बाहिर जान कहिले पाउँला?
कोरोना महामारीका कारण मेरो त व्यवसाय नै चौपट भयो।
अब कसरी पो अगाडि बढ्ने होला?
