सुवास पण्डित
सरकारद्वारा वितरण गरिने पदक माथि विभिन्न ठाउँबाट प्रश्न चिन्ह उठाइरहेका बेला चितवनका एक सफल किसान गणेश भुसालले जनसेवा श्री पाँचौ पदक प्राप्त गरेका छन् । सरकारले बाँड्ने पदक सहि ब्यक्तिले पनि पाएका छन् भन्ने दृष्टान्त बनेका छन् भुसाल ।
विगत १८ वर्षदेखि चितवनको भरतपुर महानगरपालिका वडा नं. २५ मा दिब्यनगरमा १८ बिघा जग्गामा तरकारी खेती गरेका ५४ वर्षीय किसान गणेश भुसालको सफलता अनुकरणीय छ । कृषि क्षेत्रमा पु¥याएको योगदानलाई यसपटक सरकारले कदर गरेकोमा उनलाई खुसी लागेको छ । उनी भन्छन्, ‘सरकारले आफूलाई पदक दिने कुरा थाहा पाउँदा गौरवान्वित बनेको छु, अझै कृषि कर्ममा लाग्ने प्रेरणा र हौसला मिलेको छ ।’ कृषि ज्ञान केन्द्र भरतपुरले उनलाई पदकका लागि सिफारिस गरेको थियो ।
