प्रधानमन्त्री कप राष्ट्रिय महिला क्रिकेट प्रतियोगिता सुरु भएको छ ।
नेपाल क्रिकेट संघ लुम्बिनी प्रदेशको आयोजनामा लुम्बिनी प्रदेशको राजधानी समेत रहेको दाङको लमहीमा शनिबारदेखि राष्ट्रिय स्तरको महिला क्रिकेट प्रतियोगिता सुरु भएको हो ।
प्रतियोगितामा आठ टिम सहभागी छन् ।
आयोजक नेपाल क्रिकेट संघ लुम्बिनी प्रदेशका सचिव संजय गुरुङले सात वटा प्रदेश र विभागीय टिम एपीएफको सहभागिता रहेको बताए ।
उनका अनुसार प्रतियोगिताको पहिलो दिन दुई खेल भएका थिए ।
प्रतियोगितामा लुम्बिनी प्रदेश र विभागीय टिम एपीएफले विजयी सुरुवात गरेको उनको बताए ।
पहिलो खेल लुम्बिनी प्रदेश र २ नम्बर प्रदेश बीच खेल भएको थियो ।बिएल नेपाली सेवासँग कुराकानी गर्दै सचिव गुरुङले प्रदेश २ लाई ९ विकेटले पराजित गर्दै शनिबार प्रतियोगिताको उद्घाटन खेलमा लुम्बिनीले विजयी सुरुवात गरेको छ । लुम्बिनी प्रदेश विजयी भएको बताए ।
प्रतियोगिताको पहिलो दिन भएको दोस्रो खेलमा विभागीय टिम एपीएफ विजयी भयो । साविकको विजेता एपीएफले कर्णाली प्रदेशलाई २ सय ४ रनले पराजित गरेको हो ।
एपीएफ समूह ‘ए’मा छ । सचिव गुरुङले प्रतियोगिताको दोस्रो दिन पनि दुई खेल हुने अवगत गराए । आइतबार लुम्बिनी प्रदेश र कर्णाली प्रदेश बीच प्रतिस्पर्धा हुनेछ ।
दिउँसो एपीएफ र २ नम्बर प्रदेश खेल हुने उनको भनाइ छ । उनका अनुसार प्रतियोगिता १९ गते सकिनेछ ।
