इटालियन सिरी ए मा लिग लिडर एसी मिलान पराजित भएको छ ।
लिग अन्तर्गत शनिबार राति भएको घरेलु मैदानमा भएको खेलमा एसी मिलान एट्लान्टासँग ३–० ले पराजित भएको हो ।
एट्लान्टाका लागि २६ औँ मिनेटमा क्रिष्टियन रोमेरोले गाेल गरेका थिए। ५३ औँ मिनेटमा पाएको पेनाल्टीमा जोसिप इलिसिकले गाेल गर्दै अग्रता दाेब्बर बनाए।
७७ औँ मिनेटमा डुभान जापाताले गोल गर्दै ३-० काे जित दिलाए।
पराजित भएको एसी मिलानको १९ खेलबाट ४३ अंक भएको छ ।
