आइसीसी विश्वकप छनोट प्रतियोगिताअन्तर्गत अमेरिकाविरुद्ध नेपालका भीम सार्कीले अर्धशतक पूरा गरेका छन्। जिम्बाब्वेस्थित टागासिंगा स्पोर्टस् क्लबमा जारी खेलमा भीमले ९७ बलमा ५१ रन प्रहार गरेका हुन्।
अमेरिकाले दिएको २ सय ८ रनको लक्ष्य पछ्याइरहेको नेपालले ३७ ओभरमा १ सय ६३ रन बनाएर खेलिरहेको छ। नेपालकाे ४ विकेट पतन भएकाे छ। नेपालका ओपनर कुशल भुर्तेल, आशिफ शेख, कुशल मल्ल र कप्तान रोहितकुमार पौडेल आउट भएका छन्।
अहिले नेपालका भीम र दीपेन्द्रसिंह ऐरीले ब्याटिङ गरिरहेका छन्। दीपेन्द्रले १६ बलमा १२ रन बनाएर खेलिरहेका छन्।
