इलाम–२ मा भएको उपनिर्वाचनअन्तर्गतको मतगणनामा नेकपा एमालेले अग्रता लिएकाे छ।
मतगणनाअनुसार एमालेका उम्मेदवार सुहाङ नेम्वाङले २ हजार ५४२ मत प्राप्त गगरेका छन् भने नेपाली कांग्रेसका उम्मेदवार डम्बरबहादुर खड्काले २ हजार १९७ मत प्राप्त गरेका छन्।
त्यसैगरी स्वतन्त्र उम्मेदवार डकेन्द्र सिंह लिम्बुले ५ सय ९३ मत प्राप्त गर्दा राष्ट्रिय स्वतन्त्र पार्टीका उम्मेदवार मिलन लिम्बुले तीन सय ७५ मत प्राप्त गरेका छन्।
शनिबार भएको उपनिर्वाचनमा ६९ हजार दुई सय ८७ अर्थात् ५९ दशमलव ७९ प्रतिशत मत खसेको थियो । सो क्षेत्रमा एक लाख १५ हजार आठ सय ८९ मतदाता थिए। यो उपनिर्वाचनमा १२ राजनीतिक दलका र सात स्वतन्त्रसहित १९ जना चुनावी प्रतिस्पर्धामा छन्।
