शहीद स्मारक ए डिभिजन लिगमा मंगलबार दुई खेल हुँदैछ।
पहिलो खेलमा हिमालयन शेर्पा क्लब र सरस्वती युथ क्लबबीच प्रतिस्पर्धा हुनेछ। दोस्रो खेलमा जावलाखेल युथ क्लब र त्रिभुवन आर्मी क्लब आमनेसामने हुनेछन्।
दुवै खेल एन्फा कम्प्लेक्स सातदोबाटोमा हुनेछ। पहिलो खेलमा शेर्पा र सरस्वती बिहान साढे ११ बजे भिड्ने छ। यता दोस्रो खेल दिउँसो ३ बजे सुरु हुनेछ।
लिगमा मछिन्द्रलाई मात्रै पराजित गरेको शेर्पा ७ अंक सहित १२ औं स्थानमा छ। दोस्रो जित निकालेको खण्डमा शेर्पा नवौं स्थानमा पुग्नेछ। यता लिगका आधा खेल सकिदाँ मात्र एक अंक जोडेर सरस्वतीको रेलिगेशनमा पर्ने सम्भावना उच्च छ। शीर्ष डिभिजनमा उक्लिने सम्भावना जिवित राख्न उसलाई जितको विकल्प छैन।
यस्तै शीर्ष स्थानको मछिन्द्रभन्दा आर्मी दुई अंकले पछाडी छ। एक खेल कम खेलेको आर्मीलाई जावलाखेलविरुद्ध जित निकाल्दै पुन शीर्ष स्थानमा फर्कने अवसर छ।
