‘लकडाउनको बेला गाडी नचढ्दा पनि सांसदहरूले गाडी भाडाबापतको भत्ता लिए ।’
‘खाडीका मजदुरको पसिनामा मन्त्रीलाई विदेश भ्रमण र दूतावासलाई गाडी ।’
‘खरिपाटी क्वारेन्टिनमा राखिएकाहरूले औषधि खाएकै थिएनन् । तर औषधि खर्च भन्दै सेनाले सरकारबाट ७३ लाख बढी भुक्तानी लिएको छ ।’
‘लकडाउनपछि राजस्व नउठेर खर्च धान्न मुस्किल भयो भनिरहेका बेला प्रधानमन्त्रीले आफ्नो गृहनगरमा भ्युटावर बनाउनका लागि ४० करोड रुपैयाँ विनियोजन ।’
बिहान एक कप तात्तातो चिया पनि पिउन नपाउँदै पत्रपत्रिका पल्टाउन थाल्नुहुन्छ । अनलाइन समाचार हेर्न थाल्नुहुन्छ । फेसबुकमा नजर डुलाउनुहुन्छ । तब तपाईंको आँखामाथि उल्लेखित समाचारमा पर्छ । यी खबरहरू पढिरहँदा तपाईंको मनस्थिति शान्त रहन्छ ? वा मनमा गुनासो, चिन्ता, तनावको भुँमरी मडारिन थाल्छ ?
भनिन्छ, बिहान निद्रा खुलेपछि शरीरमा ताजापन र स्फूर्ति आउनुपर्छ । रातभर मस्त विश्राम गरेपछि स्वाभाविक रुपमा बिहान शरीरले ताजापन अनुभव गर्छ । यही क्षणमा मनमा उमङ्ग र उत्साहको लहर पनि चल्छ ।
