नेकपा एमालेले इलामका दुवै संघीय निर्वाचन क्षेत्रमा अग्रता बनाएको छ।
क्षेत्र नम्बर १ मा एमालेले सुरुवाती चरणबाट अग्रता कायम गरेपछि क्षेत्र नमबर २ मा अग्रता बनाउन सकेको थिएन। अहिले २ मा पनि एमालेले अग्रता कायम गरेको छ।
इलाम १ मा एमालेका महेश बस्नेत अग्रस्थानमा छन्। उनले १० हजार २८७ मत ल्याएका छन्। उनका प्रतिद्वन्द्वी नेकपा एकीकृत समाजवादीका झलनाथ खनालले ८ हजार ७८० मत ल्याएका छन्।
क्षेत्र नम्बर २ मा एमालेका सुवासचन्द्र नेम्वाङले अग्रता बनाएका छन्। उनले ८ हजार २९६ मत ल्याउँदा उनका निकटतम प्रतिद्वन्द्वी नेपाली कांग्रेसका डम्बर खड्काले ७ हजार ६९९ मत ल्याएका छन्।
यस्तै १ को प्रदेश (१) मा नेकपा एकीकृत समाजवादीकी खिनु लङ्वाले ५०५७ र एमालेकी शोभा पराजुलीले ४४०२ मत ल्याएकी छिन्। १(२) मा नेपाली कांग्रेसका शम्शेर राईले ५६४६ र एमालेका दिपककुमार थेवेले ५४५१ मत ल्याएका छन्।
क्षेत्र नम्बर २ को प्रदेश (१) मा मतगणना भएको छैन। २(२) मा एमालेका रामबहादुर रानाले अग्रता बनाएका छन्। उनले ७६३४ मत ल्याएका छन्। उनका निकटतम प्रतिद्वन्द्वी माओवादीका हर्कबहादुर लावतीले ६४६५ मत ल्याएका छन्।
