बर्दियामा बाघको आक्रमणबाट एक महिलाको मृत्यु भएको छ।
मृत्यु हुनेमा बाँकेको बैजनाथ गाउँपालिका ८ हस्नापुर गाउँकी ३५ वर्षीया मनिषा रोकाय रहेको जिल्ला प्रहरी कार्यालय बर्दियाका सूचना अधिकारी डिएसपी तुल्सीराम अर्यालले जानकारी दिए।
रोकायलाई बाँसगढी नगरपालिका– ४ बढुवार गाउँ नजिक बिहीबार दिउँसो २ बजेतिर जनचेतना सामुदायिक वन किनारमा बाघले आक्रमण गरेको थियो।
उनी हस्नापुरबाट बर्दिया बाँसगढी नगरपालिका– ४ मा दिदीको घर जाँदै गर्दा बाघले आक्रमण गरेको अर्यालले बताए।
रोकायको घटनास्थलमै मृत्यु भएको थियो। उनको शवलाई पोष्टमार्टमका लागि जिल्ला अस्पताल बर्दिया लगिएको छ।
.JPG)
