सिन्धुलीमा रहेको एक गुरुकुलका ३३ जना विद्यार्थी–शिक्षक सुनकोशी नदीबीचमा फसेका छन्। सुनकोशी गाउँपालिका–१ स्थित आदिलिङ्ग कुशेश्वर महादेव मन्दिर परिसरमा रहेको गुरूकुलका २८ विद्यार्थी र गुरूसहित ३३ जना नदीबिचमा फसेका हुन्।
सुनकोशीको सतह बढेर मन्दिरसम्म आइपुगेको र रोशी नदीले मन्दिरको दुवैतिरबाट घेरेकाले कतै भाग्ने अवस्था नरहेको गुरूकुलका शिक्षक नारायण घिमिरेले बताए।
अहिले (बिहान १० बजे) विद्यार्थी र शिक्षक गुरूकुलको भवनको माथिल्लो तलामा रहेका छन्। तल्लो तहमा नदीले डुबाइसकेको छ। उनीहरूको उद्धारका लागि कतै सम्पर्क हुन सकेको छैन।
उनीहरूले उद्धारका लागि कतैबाट सम्पर्क र पहल नभएको गुनासो गरेका छन्।
.JPG)
