सहिद स्मारक ए डिभिजन लिगमा हिमालयन शेर्पा र विभागीय टिम शसस्त्र प्रहरी बल (एपीएफ) बराबरीमा रोकिएको छ।
त्रिपुरेश्वरस्थित दशरथ रंगशालामा भएको खेलमा एपीएफ र हिमालयनसँग गोलरहित बराबरीमा रोकिएको हो।
यो बराबरीसँगै एपीएफले लिगमा पहिलो अंक जोडेको छ। एपीएफले २ खेलमा १ अंक जोडेको हो।
पहिलो खेलमा एपीएफ मनाङ मर्स्याङ्दी क्लबसँग २–० ले पराजित भएको थियो।
शेर्पाले भने दुई खेलमा २ अंक जोडेको छ। पहिलो खेलमा शेर्पा नेपाल पुलिस क्लबसँग गोलरहित बराबरी खेलेको थियो।
