शहीद स्मारक ‘ए’ डिभिजन लिग फुटबल प्रतियोगितअन्तर्गत आज (शुक्रबार) भएको खेलमा नवप्रवेशी सातदोबाटो युथ क्लबले थ्रीस्टार क्लबलाई पराजित गरेको छ।
त्रिपुरेश्वरस्थित दशरथ रङ्गशालामा भएको खेलमा सातदोबाटाले थ्रीस्टार क्लबलाई १–० गोलअन्तरले पराजित गरेको हो। यसअघि सातदोबाटोले पहिलो खेलमा फ्रेन्ड्स क्लबसँग गोलरहित बराबरी खेलेको थियो। सातदोबाटोका लागि सुदीप गुरुङले निर्णायक गोल गरे। उनले खेलको २९औँ मिनेटमा गोल गरेका हुन्।
जीतसँगै सातदोबाटोले चार अङ्क जोडेको छ। थ्रीस्टारको तीन अङ्क छ। यसअघि पहिलो खेलमा थ्रीस्टारले च्यासल युथ क्लबलाई ३–० गोलअन्तरले पराजित गरेको थियो।
.JPG)
