नेकपा (एमाले) दाङले जिल्लाका १० वटै स्थानीय तहका लागि उम्मेदवारको नाम टुंगो लगाएको छ।
जसअनुसार घोराहीमा मेयरमा नरुलाल चौधरी र उपमेयरमा हुमा डिसी उम्मेदवार बनेका छन्। चौधरी ०७४ को स्थानीय तहको निर्वाचनमा घोराहीकै मेयरमा विजयी भएका थिए। फेरि पनि उनलाई पार्टीले मेयरकै लागि उम्मेदवार बनाएको छ।
तुलसीपुरमा टीकाराम खड्का मेयर र उपमेयरमा स्यानी चौधरी उम्मेदवार बनेका छन्। यी दुबै जना नयाँ हुन। यसैगरी लमही नगरपालिकामा मेयरका लागि डन्डीराम चौधरी र उपमेयरमा शुशिला शर्मा उम्मेदवार बनेका छन्।
बबई गाउँपालिकको अध्यक्षका लागि भुवनेश्वर पौडेल र उपाध्यक्षका लागि सावित्रा विश्वकर्मा उम्मेदवार बनेका छन्। यी दुबै जना अघिल्लो ०७४ को निर्वाचनमा एमालेबाटै गाउँपालिकाको अध्यक्ष र उपाध्यक्षमा विजयी भएका थिए। फेरि पनि दुबै जनलाई एमालेले उम्मेदवार बनाएको छ।
शान्तिनगर गाउँपालिकामा अध्यक्षका लागि विष्णु केसी र उपाध्यक्षका लागि कमला भण्डारी, दंगिशरण गाउँपालिकामा अध्यक्षका लागि एमएन शाह र उपाध्यक्षका लागि बुधनी चौधरी, राप्ती गाउँपालिकामा अध्यक्षका लागि जगत पोखरेल र उपाध्यक्षका लागि कलापति चौधरी उम्मेदवार बनेका छन्।
यस्तै गढवा गाउँपालिमा अध्यक्षका लागि सहजराम ऐर र उपाध्यक्षका लागि सीता चौधरी, राजपुर गाउँपालिकामा अध्यक्षका लागि कुलराज गिरी र उपाध्यक्षका लागि सीता यादब, बंगलाचुली गाउँपालिमा अध्यक्षका लागि भेषराज खत्री र उपाध्यक्षका लागि सरस्वता घर्ती उम्मेदवार बनेको नेकपा एमाले दाङले जानकारी दिएको छ।
