निशान भन्छन् : सोचेकै थिएन यो सफलता मिल्छ भनेर…!

अनलाइनखबर

काठमाडौं

• • •

निशानले त्यसभन्दा अघि पनि धेरै प्रतियोगितामा भाग लिए तर उनको चर्चा भएन । उनको चर्चा सुरू भयो, ‘नेपाल आइडल सिजन वान’ मा सहभागी भएदेखि।

पछिल्लो समय २५ वर्षीय निशान भट्टराई गायनमा छाएका र विशेषगरी पाश्र्व गायनमा व्यस्त छन्।

उनले ‘भिजिट भिसामा’, ‘लाइदेउ माया पिरिम’ जस्ता चलचित्रका गीत गाइसके । लकडाउनको समयमा सार्वजनिक भएको ‘के माया लाग्छ र?’ उत्तिकै लोकप्रिय भयो। ‘ए मेरो हजुर-४’, ‘झिंगे दाउ’ लगायत चलचित्रका लागि गीत रेकर्डिङ गरिसकेका छन्। अन्य एल्बमका गीत पनि गाइरहेका छन्।

गायकीकै कारण उनी निर्माता/निर्देशक, संगीतकार तथा गीतकारको नजरमा परिरहेका छन्। उनले गाएका धेरै गीत श्रोता/दर्शकले रुचाएका छन्। निशान रेकर्डिङ स्टुडियोमा मात्र होइन स्टेजसम्म चलेका देखिन्छन्।

• • •