नेपाल र भारतबीच सात वटा सम्झौतामा हस्ताक्षर भएको छ।
प्रधानमन्त्री पुष्पकमल दाहाल प्रचण्डको भारत भ्रमणको क्रममा दुवै पक्षबाट सात सम्झौतामा हस्ताक्षर भएको हो।
प्रतिनिधिमण्डलस्तरीय वार्तापछि नेपालका प्रधानमन्त्री दाहाल र भारती प्रधानमन्त्री नरेन्द्र मोदीले पत्रकार सम्मेलन गर्दै सम्झौताबारे जानकारी गराएका हुन्।
पेट्रोलियम पाइपलाइन, तल्लो अरुण जलविद्युत् आयोजना, फुकोट कर्णाली, क्रस बोर्डर पेमेन्ट, दोधारा-चाँदनी सुख्खा बन्दरगाह निर्माणलगायतमा सम्झौता भएको हो।
त्यसैगरी नेपाल-भारत पारवहन सम्झौता नवीकरण, परराष्ट्र मामिला अध्ययन प्रतिष्ठान र सुष्मा स्वराज इन्स्टिच्युटबीच सहकार्य गर्ने सहमति भएकाे छ।
.JPG)
