अर्थमन्त्री वर्षमान पुनका चालक वरिष्ठ हवल्दार उज्वल भण्डारीले प्रहरी जवानलाई कुटेका छन्।
आफूलाई सलाम नगरेको भन्दै उनले प्रहरी जवान सुन्दर सिंहलाई सिंहदरबारभित्रै कुटेकाे अधिकारीहरूले जनाएका छन्।
मंगलबार बिहान करिब १० बजेतिर चालकसमेत रहेका वरिष्ठ हवल्दार भण्डारीले प्रहरी जवान सिंहलाई अर्थमन्त्रालय परिसरमै दुर्व्यवहार गरेकाे अर्थमन्त्री पुनको सुरक्षार्थ खटिएका अर्का एक वरिष्ठ हवल्दारले जनाएका छन्।
दुई दर्जन माओवादी कार्यकर्ताकै अघिल्तिर वरिष्ठ हवल्दार भण्डारीले सिंहलाई थर्काउँदै कुटेपछि माहौल एकछिन तनावग्रस्त बनेको थियाे। सिंह एसपी सन्तोष तामाङका अंगरक्षक हुन्।
काठमाडौँ उपत्यका प्रहरी कार्यालयले उक्त घटनाको विस्तृत जानकारी गराउन सिंहदरबार गणलाई निर्देशन दिएको छ।
