अमेरिकामा सेनाको हेलिकप्टर ठोक्किएर नदीमा खसेको अमेरिकी विमान दुर्घटना स्थलबाट १८ जनाको शव निकालिएको छ।

रेगन वासिङ्टन राष्ट्रिय विमानस्थल नजिकै पोटोम्याक नदीमा ६४ जना सवार अमेरिकी विमान दुर्घटनामा परेको र हालसम्म १८ जनाको शव निकालिएको बीबीसीले जनाएको छ।

सेनाको हेलिकप्टरमा तीन जना रहेको बताइएको छ। यूएस फेडरल एभिएसन एडमिनिस्ट्रेशन (एफएए)ले बुधबार रोनाल्ड रेगन वाशिङटन राष्ट्रिय विमानस्थलमा अवतरण गर्ने क्रममा एक यात्रुवाहक विमान हेलिकप्टरसँग ठोक्किएको बताएको छ।

विमान धावनमार्गमा पुग्ने क्रममा दुर्घटना भएको बताइएको छ। विमानमा ६० यात्रु र चार जना चालक दलका सदस्य थिए भने सेनाको ब्ल्याक हक हेलिकप्टरमा तीन जना सैनिक सवार रहेको सीसीटीभीप्लसले उल्लेख छ।

बुधबार राति स्थानीय समयअनुसार ९ बजेतिर यात्रुवाहक विमान र सेनाको हेलिकप्टर आपसमा ठोक्किएर दुर्घटना भएको थियो।