पाँचौ प्रधानसेनापति खुला म्याराथन फागुनको पहिलो साता हुने

पाँचौ प्रधानसेनापति खुला म्याराथन फागुनको पहिलो साता हुने

पाँचौ प्रधानसेनापति खुला म्याराथन दौड प्रतियोगिता फागुनको पहिलो साता आयोजना हुने भएको छ।

नेपाली सेना अन्तर्गतको सैनिक शारीरिक तालीम तथा खेलकूद केन्द्रको आयोजनामा हुने प्रतियोगिता फागुन ३ गते हुने भएको छ। आर्मी अफिसर्स क्लबमा बिहिबार आयोजित पत्रकार सम्मेलनमा नेपाली सेनाका प्रवक्ता बिज्ञानदेव पाण्डेले प्रतियोगिता आगामी फागनु ३ गते महाशिवारात्री तथा सेना दिवसको अवसरमा आयोजना गरिने जानकारी दिए।

प्रतियोगितामा पुरुषको फुल म्याराथन, महिला र पुरुषको हाफ म्याराथन,१० किमिको सैनिक सहचारी, सैनिक अधिकृत र गैर सैनिकको महिला र पुरुष दौडमा प्रतिस्पर्धा हुनेछ। त्यस्तै पाँच किमिको वाकाथन र सैनिक विद्यालयकका छात्रछात्राको लागि पाँच किमीको दौड हुनेछ। म्याराथनमा पहिलो हुने खेलाडीले १ लाख २५ हजार नगद पुरस्कार पाउने छन्। यस्तै १ सय ५० सिसिको बजाज कम्पनीको मोटरसाइकल पनि पाउने बताईएको छ। 

त्यस्तै दोस्रोले ६५ हजार, तेस्रोले ३५ हजार, चौथोले २५ हजार, पाँचौले १५ हजार, छैठौले १० हजार, सातौ‌ले ७ हजार, आठौंले ५, नवौंले ३ र दशौँले २ हजार पाउने छन्। हाफ म्याराथनतर्फ ४५ वर्षसम्मका पहिलो, दोस्रो र तेस्रो हुने खेलाडीले क्रमशः ५० हजार, ३५ हजार र २५ हजार पाउनेछन्। हाफ म्याराथनको ४५ वर्षमाथि उमेर समूहका खेलाडीले ४० हजार, २५ हजार र १५ हजार पाउने प्रवक्ता पाण्डेले बताउनुभयो। उहाले सवै क्षेत्रका व्यक्तिहरुलाई म्याराथनमा सहभागी हुन आग्रह गरे। 

सेनाले १० किमी दौडमा पहिलो दोस्रो र तेस्रो हुने खेलाडीले क्रमश १० हजार, ७ हजार र पाँच हजार पाउने जनाएको छ। पाँच किमिको छात्रछात्रा दौडमा पहिलो हुनेले १० हजार, दोस्रोले सात हजार र तेस्रो हुने खेलाडीले पाँच हजार पाउने छन्। महाशिवरात्री पर्व तथा सेना दिवसका अवसरमा सेनाले हरेक बर्ष म्याराथन आयोजना गर्दै आएको छ। 

प्रकाशित मिति: Jan 30, 2020 15:10:50

प्रतिक्रिया दिनुहोस

लकडाउनका सकारात्मक पक्ष
  • अन्नपूर्ण पोष्ट
सबै