स्पेनिस ला लिगामा अहिले बार्सिलोना र एइबारको खेल जारी छ।
दोस्रो स्थानको बार्सिलोना र १६औं स्थानको एइबारबीच जारी खेलको पहिलो हाफमा घरेलु टोली बार्सिलोनाले ३–० को अग्रता लिएको छ।
बार्सिलोनाको घरेलु मैदान क्याम्प नोउमा कप्तान लिओनल मेसीले पहिलो हाफमै ह्याट्रिक गरेका छन्।
उनले खेलको १४औं मिनेटमा पहिलो गोल गरे। इभान राकिटिकको पासमा एइबारका ४ जना डिफेन्डरलाई चलाखीपूर्वक छलाउँदा मेस्सीले हलुका प्रहारमा निकै सुन्दर गोल गरेका थिए।
त्यसपछि खेलको ३७औं र र ४०औं मिनेटमा मेसीले लगातार २ गोल गर्दै टिमलाई पहिलो हाफमा ३–० को अग्रता दिलाए।
