दक्षिण कोरियामा कोरोना भाइरसको संक्रमण दिनहुँ बढ्न थालेपछि प्रायः सबै कम्पनीले २३ फ्रेब्रुअरीदेखि काम बन्द गरेका छन्। खाना र बसोबासको जिम्मा कम्पनीले लिएको छ।
कोरोना भाइरसका कारण तस्करी बढेपछि सेनाले खाध्यान्न आपूर्तिको जिम्मा लिएको छ। सिओलमा कार्यरत नेपाली कामदार महेन्द्र अर्यालका अनुसार बजारमा खाध्यान्नको अभाव देखिएको छ।
‘कालोबजारीका कारण खाध्यान्नलगायत दैनिक उपभोग्य बस्तु आपूर्ति गर्ने जिम्मा सेनाले लिएको छ,’ अर्यालले बिएल नेपाली सेवालाई भने। बजारमा मास्कको पनि अभाव देखिएको छ। यसलाई रोक्न सरकार आफै क्रियाशील बनेको छ।
दक्षिण कोरियामा हाल कोरोना भाइरसका कारण १८ जनाको निधन भइसकेको छ। यस्तै, संक्रमितको संख्या ३ हजार ७ सय ३६ पुगेको छ।
