कुनै पनि प्रतियोगिता नगर्न तेक्वान्दो संघकाे निर्देशन

बिएल संवाददाता

काठमाडाै‌ं

कोरोना भाइरस अर्थात कोभिड–१९को कारण नेपाल तेक्वान्दो संघले आफ्नो मातहतमा रहेको प्रदेश, जिल्ला र डोजाङहरुलाई कुनै पनि प्रतियोगिता नगर्न निर्देशन दिएको छ।

विश्वव्यापी रुपमा फैलिएको कोरोनाको कारण संघले बुधबार विज्ञप्ति जारी गर्दै प्रदेश, जिल्ला र डोजाङहरुलाई कुनै पनि राष्ट्रिय प्रतियोगिता नगर्न निर्देशन दिएको हो।

संघले अर्को निर्णय नभएसम्मको लागि प्रतियोगिता नगर्न भनेको छ।

यस्तै तय भएका नवौं राष्ट्रिय तेक्वान्दो क्योरुगी रेफ्री सेमिनार र दशौं राष्ट्रिय तेक्वान्दो रेफ्री रिफ्रेसर कोर्स र तेक्वान्दोका सबै राष्ट्रिय प्रतियोगिता तत्कालका लागि रोक्न पनि संघले विज्ञप्तीमार्फत जनाएको छ।

प्रकाशित मिति: : 2020-03-12 02:48:30

प्रतिकृया दिनुहोस्