देशै स्तब्ध बनाउने सुसाइड नोट लेखेर कोरोना संक्रमित नर्सले गरिन् आत्महत्या

देशै स्तब्ध बनाउने सुसाइड नोट लेखेर कोरोना संक्रमित नर्सले गरिन् आत्महत्या

चीन पछि विश्वमै सबैभन्दा बढी कोरोना भाइरसको संक्रमण फैलिरहेको इटालीकी एक नर्सले आत्महत्या गरेकी छन्।

बेलायतको चर्चित पत्रिका टेलिग्राफका अनुसार कोरोना भाइरस संक्रमित ३४ वर्षीया नर्स डेनिला ट्रेज्जीले सुसाइट नोट लेखेर आत्महत्या गरेकी हुन्।

कोरोना संक्रमितकै उपचारमा रातदिन खटिएकी ट्रेज्जीले आफूलाई पनि कोरोना संक्रमण भएपछि अरूलाई थप संक्रमण नहोस् भन्नका लागि आत्महत्या गरेकी हुन्।

टेलिग्राफका अनुसार उनी इटालीको लोम्बार्दी क्षेत्रमा पर्ने मोन्जास्थित सान जेर्राडो अस्पतालको इन्टेन्सिभ केयर युनिटको नेतृत्व गर्दे संक्रमितको उपचार खटिइरहेकी थिइन्।

‘कोरोना भाइरसबाट संक्रमितको उपचार गर्दागर्दै म आफैं संक्रमित भएँ। अब अरू मानिसलाई संक्रमित गर्ने बोझ सहन सक्ने क्षमता मभित्र छैन। त्यसैले अरू धेरैको जीवन बचाउन आफ्नै जीवन अन्त्य गर्ने निर्णय लिएकी छु,’ उनले सुसाइड नोटमा लेखेकी छन्।

उनको आत्महत्यापछि सबै चिकित्सक र सिंगो मुलुक स्तब्ध भएको इटालीको नर्स महासंघले जनाएको छ।

प्रकाशित मिति: Mar 26, 2020 09:59:15

प्रतिक्रिया दिनुहोस

सबै