लण्डनमा कोरोनाबाट दाेस्राे नेपालीको मृत्यु

लण्डनमा कोरोनाबाट दाेस्राे नेपालीको मृत्यु

लण्डनमा अर्का एक नेपालीको कोरोना भाइरसको संक्रमणबाट मृत्यु भएको छ। गत सोमबार बिहान निधन भएका साउथ इस्ट लण्डनका ४० वर्षीय प्रशान्त अर्याललाई कोरोना संक्रमण भएको पुष्टी भएको हो।

बुधबार अस्पतालले मृतकको परिवारलाई उनलाई कोरोना संक्रमण पोजिटिभ देखिएको जानकारी गराएको लण्डनमै रहेका मृतक अर्याल नातेदार पदम कार्कीले बताए।

चितवन पुर्ख्याैली घर भएका अर्याललाई यसअघि ब्लड प्रेसरबाहेक अन्य गम्भीर स्वास्थ्य समस्या नरहेको पारिवारले बताएका छन्। केही दिनदेखि सामान्य ज्वरो र खोकीलगायतका लक्षण देखा परेका उनलाई गत शनिबार बिहान ४ बजे अकस्मात घरमै चक्कर लागेपछि अस्पताल लगिएको थियो। स्थानीय क्वीन एलिजावेथ अस्पतालमा उपचारकै क्रममा सोमबार बिहान २ बजे उनको निधन भएको हो। 

यसअघि गतसाता लण्डनकै ह्यारोका ६५ वर्षीय भूपू गोर्खा लिलाबहादुर राईको पनि कोरोना संक्रमणबाट मृत्यु भएको थियो। 
 

प्रकाशित मिति: Mar 26, 2020 15:39:20

प्रतिक्रिया दिनुहोस

सबै