स्वाब सङ्कलन

स्वाब सङ्कलन

स्वास्थ्य तथा जनसंख्या मन्त्रालय र जिल्ला प्रशासन कार्यालयको समन्वयमा कोभिड–१९ विपद् व्यवस्थापन र कर्णाली स्वास्थ्य विज्ञान प्रतिष्ठान शिक्षण अस्पतालको टोलीले जुम्लाका आठ स्थानीय तहका स्वाब सङ्कलन गरेको छ।

 नेपाल सरकारको कोभिड– १९ विपद् व्यवस्थापन केन्द्रीय ओपिपिएस मेडिकल टोली काठमाडांैबाट जुम्ला आइ स्वाब सङ्कलन गरेको हो। त्यसमा कर्णाली स्वास्थ्य विज्ञान प्रतिष्ठानको स्वास्थ्य जनशक्तिले सहयोग गरेको छ।

केन्द्रबाट आएको नेपाल प्रहरी र प्रतिष्ठानका मेडिकल टोलीले तीन स्थानमा पुगेर ३२४ जनाको स्वाब सङ्कलन गरेको छ। टोलीले  हेलिकप्टरबाट पहिले जुम्ला विमानस्थलमा चन्दननाथ नगरपालिका, तातोपानी, तिला, गुठिचौर र पातारासी गाउँपालिकाका १५० जनाको स्वाब सङ्कलन गरेको थियो।

प्रमुख जिल्ला अधिकारी दुर्गा बञ्जाडेले कनकासुन्दरी गाउँपालिकाको लासीपाटनमा ५० र हिमा गाउँपालिकाको देवारगाउँ टापुमा १२४ को स्वाब सङ्कलन गरिएको जानकारी दिए।

 यसैगरी सिञ्जा गाउँपालिकाका ५२, कनकासुन्दरी गाउँपालिकाका ४७ र हिमा गाउँपालिकाका ४५ गरी २५३ जनालाई अनिवार्य उपस्थित हुन निर्देशनात्मक सूचना जारी गरेपछि छुटेका सहित सवै आएपछि ३२४ जनाको स्वाब सङ्कलन गरिएको प्रजिअ बञ्जाडेले थपे।

सङ्कलित सबै स्वाब काठमाडौँ पठाइएको प्रजिअ बञ्जाडेले जानकारी दिए। स्वाब सङ्कलन गर्न जुम्ला विमानस्थलमा प्रहरीको केन्द्रीय    प्रयोगशालाका डा। रुजु केसीको नेतृत्वसहित चार, कनकासुन्दरीको लासीपाटनमा कर्णाली स्वास्थ्य विज्ञान प्रतिष्ठान शिक्षण अस्पतालका निर्देशक डा। मंगल रावल र हिमा गाउँपालिकाको देवारगाउँ टापुमा प्रतिष्ठानका प्रयोगशाला प्रमुख विवेक पुनमगर नेतृत्वको स्वास्थ्यकर्मीहरुको टोली संलग्न थियो।

प्रकाशित मिति: Apr 07, 2020 21:09:11

प्रतिक्रिया दिनुहोस

सबै