कतारद्वारा एनआरएनएलाई डेढ करोडको खाद्यान्न सहयोग

कतारद्वारा एनआरएनएलाई डेढ करोडको खाद्यान्न सहयोग

कतारमा रहेका नेपाली श्रमिकका लागि कतारी सरकारले खाद्यान्न उपलब्ध गराएको छ । कोरोना संक्रमणमा परेर रोजगारी गुमाएका श्रमिकको सहयोगार्थ कतारी सरकारले एक लाख ३४ हजार डलर (करीब रु  एक करोड ६० लाख_ बराबरको खाद्यान्न सहयोग उपलब्ध गराएको एनआरएनएले जनाएको छ।

गैरआवासीय नेपाली संघ (एनआरएनए) अध्यक्ष कुमार पन्तका अनुसार सो खाद्यान्न सरकारले संस्थाको कतार शाखालाई हस्तान्तरण गरेको छ । 

पन्तले सरकारद्वारा प्राप्त सहयोग एनआरएनए कतारको सक्रियतामा  नेपाली श्रमिकलाई वितरण भइरहेको जानकारी दिनुभयो । एनआरएनएका सचिव आरके शर्माका अनुसार कतारी सरकारले त्यहाँस्थित एक च्यारिटी संस्थामार्फत सात हजार पोका खाद्यान्न संघलाई दिएको हो ।

कतारमा करीब तीन लाख ५० हजार नेपाली रहेको अनुमान  छ । कतार सरकारको जनस्वास्थ्य मन्त्रालयले  बिहीबार प्रकाशन गरेको सूचनामा पछिल्लो २४ घण्टामा पाँच हजार ४५ जनामा जाँच गर्दा थप एक हजार ५५४ जनामा कोरोना संक्रमण भेटिएको जनाइएको संस्थाको कतार शाखाका अध्यक्ष मोहम्मद मुक्तदाले बताउनुभयो ।

तीमध्ये छ सय ८८ जना निको भएको र एक जनाको मृत्यु भएको स्वास्थ मन्त्रालयले जनाएको मुक्तदाले जानकारी दिए ।

प्रकाशित मिति: May 22, 2020 22:26:39

प्रतिक्रिया दिनुहोस

सबै