भारतमा कोरोना संक्रमणका कारण मृत्यु हुनेकाे संख्या ३ हजार ७ सय नाधेकाे छ। पछिलाे जानकारी अनुसार ३ हजार ७ सय २६ जनाको मृत्यु भएको छ ।

भारतमा संक्रमित हुनेको संख्या १ लाख २४ हजार ७ सय ९४ पुगेकाे छ।

संक्रमति मध्य ५१ हजार ८ सय २४ जना पूर्णरुपमा निकाे भएर घर पर्किएका छन्। 

यस्तै झण्डै ७० हजार उपचार गराइरहेका छन् ।

भारतमा सबैभन्दा बढि कोरोना संक्रमण महाराष्टमा भएको छ ।

त्यसपछि राजधानीमा दिल्ली, तमिलनाडु लगायतका राज्यहरुको संक्रमण बढि रहेको छ । 

यता कर्नाटकका पुलिस महानिर्देशक प्रवीण सूदले महाराष्ट्र, राजस्थान, दिल्ली, गुजरात, तमिलनाडु, दिल्ली र मध्य प्रदेशबाट घरेलु उडानमा मार्फत आउने  यात्रुहरूले ७ दिन क्वारेन्टाइनमा राख्ने बताए। 

उनका अनुसार अवस्था हेरेर हाेम क्वारेन्टाइनमा पनि बस्न सकिनेछ। 

यस्तै जम्मू–कश्मीर सरकारका अनुसार, हवाई  र  रेलमार्फत आउने सबै यात्रुहरूलाई १४ दिन क्वारेन्टाइनमा राखिनेछ। आरडीटी र पीसीआर मार्फत काेराेना भाइरसकाे परीक्षण गरिने छ।

यदि रिपाेर्ट पाेजिटिभ भेटिए अस्पताल पठाइनेछ।