कोरोना संक्रमितलाई अस्पताल लैजान लाग्दा स्थानीय अवरोध, प्रहरीद्वारा हवाई फायर

कोरोना संक्रमितलाई अस्पताल लैजान लाग्दा स्थानीय अवरोध, प्रहरीद्वारा हवाई फायर

रौतहटका दुई जना कोरोना संक्रमितलाई अस्पताल लैजान खोज्दा स्थानीयले अवरोध गरेपछि प्रहरीले हवाई फायर गरेको छ।

स्थिति नियन्त्रणमा लिन प्रहरीले १३ राउन्ड हवाई फायर गरेको प्रदेश २ का प्रहरी प्रमुख डीआईजी धीरजप्रताप सिंहले जानकारी दिए।

उनका अनुसार रौतहटको इशानाथ गाउँपालिका जोकाहास्थित अनवारूल इस्लामिक मदरसाको क्वारेन्टाइनमा राखिएका दुई व्यक्तिमा आज बिहान कोरोना संक्रमण पुष्टि भएको थियो ।

संक्रमितलाई आइसोलेसनमा लैजान पुगेको प्रहरी र स्वास्थ्यकर्मीमाथि क्वारेन्टाइनमा बसेकाहरूले आक्रमण गरेपछि तनाव उत्पन्न भएको डीआईजी सिहंले जानकारी दिए। उनीहरूले संक्रमितलाई लैजान नदिने बताएका थिए ।

'संक्रमितहरूलाई आइसोलेसनमा लग्न लाग्दा अवरोध गरे,'उनले भने,'उनीहरूले हाम्रो मान्छेलाई यतै राख्न पर्छ भनेर अवरोध गरेका हुन्। ढुंगामुढा गरेपछि हवाई फायर भएको छ, ' उनले भने।

सो क्वारेन्टाइनमा १५० सय जनालाई राखिएको छ। यसअघि १४ जनालाई बिहीबार साँझ लगिएको थियो। उनीहरू सबै भारतबाट फर्किए हुन्। अहिले अवस्था सामान्य भएको डीआईजी सिंहले बताए ।

यसअघि बाँकेको नरैनापुरमा पनि स्थानीयले संक्रमितलाई आइसोलेसनमा लैजान अवरोध गरेपछि सेना परिचालन गरिएको थियो। त्यहाँ निषेधाज्ञा जारी गरिएको छ। 

प्रकाशित मिति: May 29, 2020 13:08:54

प्रतिक्रिया दिनुहोस

एउटा अन्त्य
  • बाह्रखरी
सबै