सुनको मूल्यमा नयाँ रेकर्ड, ९० हजार नजिक

सुनको मूल्यमा नयाँ रेकर्ड, ९० हजार नजिक

नेपाली बजारमा सुनको मूल्यले नयाँ रेकर्ड कायम गरेको छ। बिहीबार छापावाल सुन तोलाको ८९ हजार ६ सय रुपैयाँमा खरिद बिक्री भएसँगै नयाँ रेकर्ड कायम गरेको हो।

तेजावी सुनको मूल्य ८९ हजार १६५ रुपैयाँ कायम गरिएको छ।

चाँदीको मूल्यमा पनि सामान्य वृद्धि भएको छ। बिहीबार चाँदी तोलाको ९५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

नेपाल सुन चाँदी व्यवसायी महासंघले लकडाउन लागू भएदेखि (चैत ११ गतेदेखि) साढे दुई महिनापछि जेठ २५ गतेबाट सुन-चाँदीको कारोबार पुन: सुरु गरेको थियो।

सोही दिन सुन तोलाको ८७ हजार ४ सय र चाँदीको ९२५ रुपैयाँमा कारोबार भएको थियो।

प्रकाशित मिति: Jun 11, 2020 12:46:14

प्रतिक्रिया दिनुहोस

सबै