पाकिस्तानका थप सात खेलाडीमा कोरोना संक्रमण, इंग्ल्यान्ड भ्रमण नराेकिने

पाकिस्तानका थप सात खेलाडीमा कोरोना संक्रमण, इंग्ल्यान्ड भ्रमण नराेकिने

पाकिस्तानका थप सात खेलाडीमा कोरोना भाइरस (कोभिड–१९) को संक्रमण देखिएको  छ। यो सँगै पाकिस्तानी टोलीमा कोरोना संक्रमणको संख्या १० पुगेको पाकिस्तान क्रिकेट बोर्डले जनाएको छ।

यस साता गरिएको पहिलो परीक्षणमा पाकिस्तानका ३ खेलाडीमा कोरोनाको असर देखिएको थियो । पाकिस्तान शृंखलाका लागि शनिबार इंग्ल्यान्ड भ्रमणमा जाँदै थियो । अगस्टमा टोलीले इंग्ल्यान्डसँग तीन टेस्ट र तीन ट्वान्टी–२० अन्तर्राष्ट्रिय खेल्ने तालिका थियो।

कोरोना संक्रमणको पछिल्लो स्थितिका बावजुद भ्रमण तोकिएको समयमै हुने पाकिस्तान क्रिकेट बोर्डका प्रमुख कार्यकारी वसिम खानले बताएका छन् ।

कोरोना संक्रमण भेटिएका खेलाडीमा फखर जमान, मोहम्मद रिजवान, वाहब रियाज, इमरान खान, मोहम्मद हफिज, मोहम्मद हस्नाइन, कासिफ भाटी छन् ।

सोमबारमात्र सद्दाव खान, हरिश रौफ र हैदरी अललाई कोरोना संक्रमण भएको पाइएको थियो । टोलीका एक अधिकारीमा पनि यसको संक्रमण देखिएको थियो ।

पाकिस्तानले कोरोना भाइरस संक्रमणको वृद्धिलाई खेपिरहेको छ, त्यसमा १ लाख ८० हजारभन्दा बढी संक्रमित भएका छन् । पाकिस्तानमा कोरोनाबाट ३ हजार ७ सय ५५ को मृत्यु भइसकेको छ ।

प्रकाशित मिति: Jun 25, 2020 12:18:07

प्रतिक्रिया दिनुहोस