(छन्द कविता)
युवा म हुँ म देशको, अदम्य जोस बोक्ने
जगाउँ सङ्घशक्ति यो,जगाउँ देश भक्ति यो ।।
म गर्छु दिव्य सिर्जना, प्रबुद्ध ज्ञान आर्जन
सँधै शिरै झुकाउँदै, म गर्छु मातृ वन्दना ।।
म मानवीय कर्मकै, सदैव गर्छु स्वागत
अमानवीय कर्मको, डटेर गर्छु भर्त्सना ।।
अमूल्य यो धरा महाँ, म बाँच्छु स्वाभिमानमा
परोपकार भावको, म गर्छु साहसीपना ।।
म पौरखै गरी अझै, अगाडि लान्छु देशनै
उदीयमान सूर्यझैं, म चम्कने छु विश्वमा ।।
