‘वर्षा र सहकालका’ देवता रातो मच्छिन्द्रनाथको रथारोहण सम्पन्न भएको छ ।   नागपञ्चमीको अवसर पारेर शनिबार पुल्चोकस्थित रथमा मछिन्द्रनाथलाई रथारोहण गराइएको हो।

अघिल्ला वर्षहरुमा हजारौं मानिसकाबीच रथारोहण गर्दै आइएको भए पनि यो वर्ष भने कोरोना भाइरस संक्रमणको त्रासले सीमित मानिसका बीच रथारोहण गरिएको आयोजकले जनाएको छ । 

अन्नका देवता, सहकालका देवता, लोकेश्वर, बुंगद्य अनेकौं नामले प्रख्यात रातो मच्छिन्द्रनाथ लिच्छविकालतिर देशभर अनिकाल र खडेरी लाग्दा मच्छिन्द्रनाथको प्रवेशले सहकाल ल्याएको र पानी पारेर लोककल्याण कार्य गरेको स्मरणमा प्रत्येकवर्ष वैशाख कृष्ण प्रतिपदादेखि लोकेश्वर अर्थात् रातो मच्छिन्द्रनाथको रथयात्रा गर्ने परम्परा रहिआएको छ। तर, यो वर्ष भने कोरोनाका कारण नागपञ्चमीको दिनमा रथारोहण गरिएको हो। 

हेर्नुहोस् केही तस्बिरहरू