३८ वर्षीय धोनी प्रशिक्षणमा फर्किए, राष्ट्रिय टिममा फर्कने तयारी

 ३८ वर्षीय धोनी प्रशिक्षणमा फर्किए, राष्ट्रिय टिममा फर्कने तयारी

भारतीय क्रिकेट टिमका पूर्वकप्तान महेन्द्रसिंह धोनी प्रशिक्षणमा फर्किएका छन्।

इन्डियन प्रिमियर लिग (आईपीएल)को मिति तय भएपछि चेन्नई सुपर किङ्सका कप्तान ३८ वर्षीय धोनीले प्रशिक्षण थालेका हुन्। 

धोनीले राँचीमा रहेको झारखण्ड स्टेट क्रिकेट एसोसियसनको मैदानमा प्रशिक्षण सुरु गरेका हुन्।

गएको हप्तामात्रै धोनीले एसोसियसनको मैदान भ्रमण गरेका थिए। उनले इनडाेर सुविधासहित अभ्यास गरिरहेका छन्।

सन् २०१९ को विश्वकपपछि धोनीले अन्तर्राष्ट्रिय क्रिकेट खेलेका छैनन्। तर, आईपीएलबाट उनी राष्ट्रिय टिममा फर्कने तयारीमा छन्।

प्रकाशित मिति: Aug 08, 2020 15:14:10

प्रतिक्रिया दिनुहोस