१३औं सागमा स्वर्ण जितेका दुई पाकिस्तानी खेलाडीको पदक खोसियो, २०२३ सम्मको लागि निलम्बन

१३औं दक्षिण एसियाली खेलकुद प्रतियाेगिता (साग)मा स्वर्ण जितेका दुई पाकिस्तानी खेलाडीलाई निलम्बन गरिएको छ।

निषेधित अैाषधि सेवन गरेका महम्मद नहिम र महबुब अलीको स्याम्पल एन्टी डाेपिङ ल्याबमा टेष्ट गरिएको थियो। उनीहरूकाे डाेपिङ पोजेटिभ भेटिएपछि दुवै खेलाडी २०१९ डिसेम्बर २ देखि २०२३ डिसेम्बर २ सम्को लागि निलम्बन गरिएको नेपाल ओलम्पिक कमिटीले विज्ञप्तिमार्फत जनाएको छ।

नेपालमा गत मंसिरमा भएको १३औं सागमा १०० मिटर हर्डल्समा स्वर्ण जितेका नहिम र ४०० मिटर हर्डल्समा स्वर्ण जितेका अलीको पहिलाे स्याम्पल टेष्ट पोजेटिभ भेटिएको थियाे। वाडाले उनीहरूकाे दाेस्राे स्याम्पल टेष्ट गर्दा पनि फेरि पोजेटिभ भेटिएको हाे। दुइवटै स्याम्पल पाेजेटिभ भेटिएपछि उनीहरुको मेडल खोसिएकाे कमिटीले बताएकाे छ। 

यस्तै १०० मिटर दौडमा कास्य जितेका सामी उल्लाहको पनि पहिलाे स्याम्पल टेष्ट पोजेटिभ आएको थियाे तर दाेस्राे स्याम्पल टेष्ट भएकाे छैन। 

प्रकाशित मिति: : 2020-08-12 13:20:44

प्रतिकृया दिनुहोस्