तीन खेलहरू
तीन खेलाडीहरू
प्रत्येकले आफ्नो खेल मात्र खेलिरहेका छन्
अर्कोलाई परास्त गर्न
एउटालाई अर्कोको बिरुद्ध प्रयोग गरेर
पराइको आशीर्वाद लिन 
प्रतिष्पर्धा गरेर

प्रत्येक ती खेलाडीहरू
पावरको ककपिटमा
आफैं मात्र बस्न चाहन्छन्
राजनीतिको दाउमा
जनताको नाउँमा

यसरी ख्याउटे भएको जनता
आफ्नै मुलुकमा बहादुर हुँदैछन्
काठमाण्डौको रिङरोड भित्र
साँघुरिएको यो मुलुक
क्षीण हुँदै गएको छ
आन्तरिक तागत सकिएर

त्यसैले त टन्न मोटाएका छन्
विदेशी शाहुहरू
र, स्वदेशी आसेपासेहरू
गरिवी निवारणको ब्यापार गरेर
प्रजातन्त्रको पसलमा