आइतबार उपत्यकाका तीन जिल्लाका प्रमुख जिल्ला अधिकारीको बैठकले आजबाट लागू हुने गरी थप १० दिन निषेधाज्ञाको घोषणा गरेका छन् । उपत्यकामा निषेधाज्ञा घोषणा गर्दै पहिलो बुँदामा नै सबै प्रकारका सभा, सम्मेलन, यस्तै खुला स्थानमा मानिस भेला हुन, सभा जुलुस गर्न, नित्यकर्म बाहेकका धार्मिक एवं सांस्कृतिक कार्यक्रम आदि नगर्न प्रमुख जिल्ला अधिकारीहरुको बैठकले आदेश दिएको छ ।

तर, आज साउन महिनाको दोस्रो सातामा सोमबार पशुपति मन्दिरसँगै उपत्यकाका शिव मन्दिरहरूमा पूजाआरधनामा सरिक हुनेको बाक्लो भिडले न त सामाजिक दूरी कायम गरेका छन् नत मास्कको सही रूपमा प्रयोग गरेका छन् ।

सोमबार नै ट्याक्सी चालकहरूले आफूहरूमाथि बारम्बार आक्रमण गरेको भन्दै पठाओ राइडरहरुको ठुलो सङ्ख्या सडकमा प्रदर्शनमा उत्रिए । ‘राइडर एकता जिन्दाबाद’ भन्दै उनीहरूले निकाल्न लागेको बाइक -यालीलाई प्रहरीले हस्तक्षेप गरेको थियो । यद्यपि प्रहरीले प्रदर्शनकारीलाई हस्तक्षेप गरे पनि सयौँ पठाओ राइडरहरु कोरोना सङ्क्रमणको जोखिमलाई वेवास्ता गर्दै ‘राइडर एकता जिन्दाबाद’ भन्न व्यस्त थिए । 

आज नै जनता समाजवादी पाटी (जसपा) को आधिकारिकता विवादबारे निर्वाचन आयोगमा केन्द्रीय कार्यकारिणीको सदस्यहरूको सनाखत भइरहँदा प्रायः जसो नेताहरूले पूर्ण रूपमा जनस्वास्थ्य मापदण्ड पालना गरेनन् ।