'प्रचण्ड एक नम्बरको हिरो-माधव नेपाल दुई नम्बरको हिरो, उहाँहरु त स्पाईडर म्यान नै हो नि'

नेकपा (एमाले)का अध्यक्ष केपी शर्मा ओलीले नेकपा एकीकृत समाजवादीका अध्यक्ष माधव नेपाल र माओवादी केन्द्रका अध्यक्ष पुष्पकमल दाहाल प्रचण्डलाई ब्यंग गर्दै 'स्पाइडर म्यान'को संज्ञा दिएका छन्।

शुक्रबार साँझ प्राइम टेलिभिजनको एक कार्यक्रममा बोल्दै उनले नेता नेपालको राजनीतिक भविष्य समाप्त भइसकेकोसमेत दाबी गरे।

'माधव नेपालले पार्टी फुटाएका होइनन्। चोइटिएका हुन्। फुटेकोको अर्थ त ठूलो हुन्छ', उनले थप्दै भने, 'उनको कदम असंवैधानिक छ। गैरकानूनी छ। जालझेलपूर्ण छ। षड्यन्त्रपूर्ण छ। मान्य हुँदैन।'

कार्यक्रम प्रस्तोताले साधेकाे 'नयाँ पार्टी खोलेर माधव नेपाल त हिरो बन्नु भएको छ नि' भन्ने प्रश्नमा ओली व्यंग गर्दै भने, 'ल ल मानिदिउँला। प्रचण्ड एक नम्बरको हिरो, माधव नेपाल दुई नम्बरको हिरो। उहाँहरु त स्पाईडर म्यान नै हो।'

प्रकाशित मिति: : 2021-08-28 08:15:00

प्रतिकृया दिनुहोस्