चौंथो संस्करणको एभरेष्ट प्रिमियर लिग (ईपीएल) टी–२० क्रिकेटमा आज (सोमबार) दुई खेलहरु हुँदैछन्।
कीर्तिपुरस्थित टियु क्रिकेट मैदानमा हुने पहिलो खेलमा काठमाडौं किङ्स-११ र विराटनगर वारिवर्स भिड्ने छन्। काठमाडौं र विराटनगरबीचको खेल बिहान ९:३० बजे सुरु हुनेछ।
सन्दीप लामिछानेको कप्तानीमा रहेको काठमाडौंले पहिलो खेलमा साविक विजेता ललितपुर प्याट्रीयट्सलाई हराएको थियो।
करण केसीको कप्तानीमा रहेकाे विराटनगरले भने पहिलो जित निकाल्न चाहन्छ। विराटनगर पहिलो खेलमा चितवन टाइगर्ससँग पराजित भएको थियो।
खेल तालिकामा काठमाडाैँ २ अंकसहित पहिलाे स्थानमा रहेकाे छ। भने, विराटनगर छैठाैँ स्थानमा छ।
यस्तै, दोस्रो खेलमा भैरहवा ग्लाडीयटर्स र चितवन टाइगर्सबीच प्रतिस्पर्धा हुनेछ। यी दुई टिमबीचकाे खेल दिउँसो १:३० बजे सुरु हुनेछ।
शरद भेषवाकरको कप्तानीमा रहेकाे भैरहवाले पहिलाे खेल वर्षाका कारण राेकिदाँ पोखरा राइनोजसँग अंक बाढेकाे थियाे।
