कांग्रेस महाधिवेशन: 'सिडियो'को ठाडो आदेशमा रोल्पामा निर्वाचन अधिकृत पक्राउ (भिडियाेसहित)

नेपाली कांग्रेसको रोल्पा जिल्ला अधिवेशन सम्पन्न गरेर फर्कँदै गरेका निर्वाचन अधिकृत सूर्य ओलीलाई प्रमुख जिल्ला अधिकारी ठाडो निर्देशनमा प्रहरीले पक्राउ गरेको छ।

बिहीबार रोल्पामा सम्पन्न भएको कांग्रेस जिल्ला अधिवेशनमा धाँधली गराएको आरोप लगाएर प्रमुख जिल्ला अधिकारीले बिना कारण निर्वाचन अधिकृतलाई पक्राउ गर्न प्रहरीलाई निर्देशन दिएको पूर्वराज्यमन्त्री अमर पुनले बताए।

निर्वाचन अधिकृत ओलीलाई प्रहरीले रोल्पाको सादोबाटोबाट नियन्त्रणमा लिइएको हो।

निर्वाचन अधिकृतलाई बिना कारण पक्राउ गरेको भन्दै अहिले पूर्वराज्यमन्त्री पुनलगाएतका नेताहरुले अहिले सडकमै अनसन सुरु गरेका छन्।

आफ्नो पक्षका नेताले अधिवेशनमा हारेपछि गृहमन्त्री बालकृष्ण खाँणले प्रमुख जिल्ला अधिकारीलाई पक्राउ गर्न निर्देशन दिएको र सोही अनुसार पक्राउ गरिएको रोल्पा कांग्रेस नेताहरुको भनाइ छ।

बिहीबार भएको जिल्ला अधिवेशनमा रामचन्द पौडेल पक्षका किशोर आचार्यको  प्यानल विजयी भएको थियो।

प्रकाशित मिति: : 2021-11-26 11:20:00

प्रतिकृया दिनुहोस्

    जो व्यक्ति बर्षको प्रत्येक दिन सिडियो कार्यालय मा हजुर भन्दै विभिन्न काम जान्छ त्यसले नै सिडियोको बिरोध गर्छ त्यो अलि सुहायन कि

    • 2 बर्ष अगाडि
    • Durga