सामसङ ग्यालेक्सीले ‘एओफोरएस’ स्मार्टफोन नेपाली बजारमा ल्याउने भएको छ।
कम्पनीको अनुसार यो हप्ता भित्रमा फोन बजारमा सार्वजनिक हुने भएको छ। कम्पनिले दुइदिन अघि ग्यालेक्सी ए१३ र एफ१३ नेपाली बजारमा भित्र्याएको थियो।
‘एओफोरएस’ फोनको डिस्प्ले टिएफटि एलसिडि भि–कट, साइज ६.५ इन्च, तौल १९५ ग्राम रहेको छ। ५००० एमएएच ब्याट्री, १२८ जीबि स्टोरेज र ४ जीबि र्याम भएको कम्पनीले बताएको छ।
यसको मेन क्यामेरा ट्रिपल ५०/२/२ एमपि, फ्रन्ट क्यामेरा ५ एमपि र फिङ्गर प्रिन्ट भने साइडमा रहेको छ। डिस्प्ले रिसोलुसन एचडि प्लस ९० एचजेड र चिपेस्ट एक्सिनोस ८५० भएको पाउन सकिनेछ।
उक्त फोन कालो, सेतो, हरियो र ‘कपर’ रङ्गमा पाउन सकिन्छ। नेपाली बजारमा यो मोडेलको मूल्य २१ हजार ६ सय रुपैयाँ पर्न आउने अनुमान कम्पनीको छ।
