मलेसियालाई हराउँदै नेपालले पाँच खेलको महिला टि-२० आई सिरिज हात पारेको छ। मलेसियालाई ३ विकेटले विकेटले पराजित गर्दै नेपालले शृंखला ३-२ ले जितेको हो।

आइतबार घरेलु टोली मलेसियाले दिएको ११० रनको लक्ष्यमा नेपालले १९.२ ओभरमा ७ विकेट पूरा गर्यो। नेपालको जितका लागि ओपनर सीता राना मगरले सर्वाधिक ३७ बलमा ६ चौकासहित ३४ रनको योगदान गरिन्।

यता, कप्तान रुबिनाले ३० बलमा ३ चौकाको सहयोगमा २३ रन बनाइन् भने ओपनर कविता कुँबर पहिलो ओभरमा व्यक्तिगत ४ रनमा आउट हुन पुगेकी थिइन्।

त्यस्तै, दोस्रो ओभरमा सीता रानामगर र ईन्दु बर्माले १५ साझदारी गरे। अप्सरी बेगम १५ रनमा अविजित रहँदा ज्योति पान्डे ११ रनमा अविजित रहिन्।

नेपाल पहिलो खेलमा मलेसियासँग ५ विकेटले पराजित भएको थियो। दोस्रो खेलमा नेपालले मलेसियालाई ७ विकेटले पराजित गरेको थियो।

त्यस्तै, तेस्रो खेलमा नेपाल २७ रनले विजयी भएको थियो भने सिरिजको चौथो खेलमा मलेसियाले ६ विकेटले जितेको थियो।