युनाईटेड अरब इमिरेट्स (युएई)मा आएको बाढीमा परी एक नेपाली श्रमिकको मृत्यु भएको छ।
आबुधाबी स्थित नेपाली दुतावासका अनुसार भरतपुरका मोहन पुनको बाढीमा परी मृत्यु भएको हो।
युएईको शारजाहबाट अजमान जाने बाटो रहेको पुल नजिक उनी बाढीमा परेको दुतावासले जनाएको छ। दुतावासका अनुसार उनी सोही स्थानमा रहेको वेल क्याफे रेष्टुरेन्टुमा काम गर्ने गरेका थिए।
युएईमा दुई दिनदेखि परेको बर्षाका कारण बाढी आइरहेको छ। बाढीका कारण युएईका सरकारी कार्यालय बन्द रहेको छ।
सरकारी कार्यालय बन्द भएका कारण मृतकको बिषयमा थप जानकारी लिन नसकिएको दुतावासले जनाएको छ। पुन भिजिट भिसामा युएई पुगेका थिए।
१ .
२ .
३ .
४ .
५ .
