दक्षिण अफ्रिका आईसीसी टी–२० विश्वकप क्रिकेटको सेमिफाइनलमा प्रवेश गरेको छ।
सुपर ८ खेलमा वेष्ट इन्डिजलाई डकवर्थ लेविस पद्धतिको आधारमा ३ विकेटले हराउँदै सेमिफाइनलमा पुगेकाे छ।
वेस्ट इन्डिजले १३६ रनको लक्ष्य दिएको भएपनि लेविस पद्धतिअनुसार दक्षिण अफ्रिकाले १७ ओभरमा १२३ रनको लक्ष्य पाएको थियो। सो लक्ष्य दक्षिण अफ्रिकाले १६.१ ओभरमा ७ विकेट गुमाउँदै पूरा गरेको थियो।
यो हारसँगै वेस्ट इन्डिज विश्वकपबाट बाहिरिएको छ। सुपर ८को समूह २ बाट दक्षिण अफ्रीका पहिलो र इङल्याण्ड दोस्रो हुँदै सेमिफाइनलमा पुगेका छन्। योसँगै समूह २ को समीकरण पूरा भएको छ।
